عروب ksa

عروب

عَروب — Thu, 20 May 2010 15:19:06 +0000

مدونتي العزيزه ، أعتذر لك كثير .. برأيي إن الأشهر الأخيره من غيابي بينت لك إن ماعندي رغبه في التدوين حالياً

إلى لقاء بعيييد بإذن الله

وبالنسبه لزوراي المفضلين دائماً وأبداً بإمكانهم تفصح الأرشيف والتدوينات القديمه (=

عشرتنا 10 غير

عَروب — Sat, 20 Feb 2010 10:54:57 +0000

راح أكون من المتواجدات هناك بإذن الله ، ونسعد باستقبالكم

تحديث

عَروب — Thu, 18 Feb 2010 16:09:30 +0000

أهلييين جميعاً ^.^ من زمان عن الشيء اللي اسمه مدونتي ياللعار بس ياللعااار ,, ! من جد ما كأني شخص مسؤول وراشد وعنده مدونه و زوار وإحصائيات وكلام كبير P=

وش جالس يصير بحياتي هاليومين ؟ ،، أنهيت الفصل الأول من السنه التحضيريه بنجاح ومعدل طيب الحمدلله .. كان سهل وماشكل لي تحدي كبير .

تقريباً الهدف منه كان تعويد الطالبات على التأقلم مع الجو الجامعي والأنظمه كبدايه ف ماكان فيه ذاك الصعوبه بالمواد .

اطلعت على جدولي للفصل الثاني يبدو لي إنه من النوع اللطيف -العكس طبعاً – ، وبدأ المسار ياخذ شكل جدي .

المفترض يقام ملتقى الرواد الشتوي بهذا الوقت من السنه كالعاده ، لكن تم إلغاؤه بوقت متأخر وفريقنا كان مستعد لاستقباله بالمنتجات الجديده والترتيبات وأنا شخصياً كنت أتطلع له لكن الخيره فيما يختاره الله .. تقرر إقامة معرض صغير في مقر معاً لنضيء الكون بالقدس ، في الاسبوع الأول من الدراسه .. مطلوب مني أصمم إعلان لهالمعرض و نشره على النت وعلى فلكر وراح ينطبع ونوزعه بروشور .. أحس مخي فاااضي مافيه أفكار ومن زمان مااشتغلت على الفوتو .

بأبدأ أنزل مستلزمات و أتفرج على جديد التصاميم وإن شاء الله ترجع لي لياقتي الفوتوشوبيه .

وش بعد ؟

هذا اللي أقدر أشارككم فيه حالياً ، بحفظ الله

صمتْ عنك ، لا تجي وتجرح صيامي

عَروب — Wed, 27 Jan 2010 12:15:40 +0000

ابتعدت عن مدونتي فتره طويله ، آخر تدوينه كانت من أربع أسابيع أو أكثر . ماعندي أسباب أو تبريرات معينه ، يمكن الوقت ويمكن انشغال الذهن ما أعرف .

تعرفون إذا كان قلبك خالي وتمشي بكل براءه ولا على بالك و ذهنك صافي .. و بدون شعور منك يوم بعد يوم تكتشف إنك بديت تسلك طريق غريب وذهنك الصافي تشوش بدون إراده منك ، كأن فيه توهج يجذبني رغم حرصي على مراقبة نفسي ورسم حدود واضحه لكني بديت بالانهيار ، يمكنها لذة الوقوع بالخطأ ؟ يمكني غفلت وتركت لنفسي الحريه أكثر من اللازم ؟ برضه ما أعرف .

من اللي حصل لي بعد ،، مريت بتجربه كانت ممثاله تماماً لموقف من مواقف حياتي ، لكني كنت في الطرف الآخر من الموقف ، كأنه انقلب تماماً ..
أتأمل الشخص اللي أمامي يأدي دوري بالموقف -كأن الماضي يعيد نفسه- عندي وعي تام بالمشاعر اللي يحسها لأني مريت بالموقف تماماً .. أراقبه في صمت ولا ألقى جواب .. ياترى أعوضه عن المشاعر السيئه اللي بيمر فيها .. هل أشيل عنه الألم اللي مريت فيه وأعطيه اللي يطلبه .. أو أنا غير مسؤوله عنه وكل اللي علي إني ألتزم بموقفي وأطلعه من حياتي وبس ؟ أستشير كل صوت عزيز من حولي ، كلها تجاوب بنفس الجواب رغم اختلاف الأصوات والجمل لكن الجواب واحد .

يقولك محشش طلق زوجته رآحت تلم أغرآضهآ قآل أشوفك زعلتي ؟

شر البلية مايضحك لول

المهم أحس إني محتاجه أمر بمواقف ثقيله مع أشخاص بحياتي أوضح موقفي وأرتب أشياء كثيره ، وبنفس الوقت لازم أركز شوي وأندمج بجو الدراسه عشان الاختبارات النهائيه .

شفتوا العصفورات اللي فوق ما تبغى تتكلم مع بعض ، يمكن لو تكلمت بتنفجر قنبله من الكلام ما تلتئم جروحه إلا بعد قرون ,,

هذا و تستمر عجلة الحياة العجيبه بالدوران

عصفوري المغرد <3

عَروب — Mon, 28 Dec 2009 07:25:52 +0000

ذات اشتياق ،، حين فاض احساسي بك ..

جالستها وحكيت لها حكايتي مع عصفوري المغرد وكيف يأتي لـيأخذ عقلي ويطير به بعيداً لأبعد بقعه في عالمك ,, ولا يعيده إلا وقد أنهك وانشغل يحكي لي ما رآه عن روعة دنياك وسحرها -على الأقل في عيني أنا ..! – .

ما كان منها إلا أن ابتسمت بهدوء كما عادتها ثم قالت محذره : انتبهي فبعض العصافير لا تكتفي بأن تطير بالثمر وحسب ، بل قد تنخره وتنخره حتى يبلى ..!

تأملتها وآثرت الصمت .
وما أسرع أن تحققت نبوءتها بتعاقب الأيام ..

ها أنا أتحرق شوقاً لمجيء عصفوري بين حين وآخر ، فقط ليأخذ عقلي إلى عالمك ، مرددة في سري إن لم يعدك معه فلا حاجة أن يعيد عقلي ,,!

اللقطه على فلكر بمعالجه لونيه مختلفه

افتتاح موقع فريق “معاً لنضيء الكون”

عَروب — Thu, 24 Dec 2009 15:08:51 +0000

تم وبحمدالله وبعد الكثير من الجهود والعمل المتواصل ، افتتاح الموقع الرسمي لفريق معاً لنضيء الكون (-:

وتعد الانطلاقه الالكترونيه مرحله مهمه جداً للفريق من حيث سرعة وصول المنتجات لكل من ترغب بالإطلاع أو حتى الحصول عليها و سهولة التواصل مع الزائرات والزبونات وبالتحديد بعد توافق تدشين الموقع مع انطلاق العديد من الخدمات كخدمة ضياؤنا وصفحة الفلكر لعرض المنتجات ,, وتم الاحتفال بتدشين الموقع في يوم الخميس 12/30 آخر يوم من عام 1430 هـ نسأل الله أن يكون الموقع بدايه جميله ومبشره بالخير مع بداية العام الهجري الجديد .

_____________________

صور من الاحتفال ^-^

مقر إقامة الاحتفال في معرض معاً لنضيء الكون بالرياض حي القدس .

شاشة العرض بإنتظار اكتمال المدعوات ^-^

_____________________

جانب من استعدادت الحفل

_____________________

اكتمال المدعوات .. وبدء تصفح الموقع وإعطاء فكره شامله وموجزه عن وظيفة كل صفحه و الأهداف المطلوبه ^-^

_____________________

تورتة الاحتفال مزينه بواجهة الموقع (-:

للإطلاع على جميع الصور يرجى زيارة الرابط ,,

هنا

_____________________

في النهاية نتمنى تشريفنا بزيارة لموقع الفريق فـ جهودنا لا تكتمل إلا بطيب وجودكم

http://www.m3nn.net/

حييتم حبايب ~

http://www.m3nn.net/

حديث نفس

عَروب — Mon, 21 Dec 2009 17:43:01 +0000

وش الأشياء اللي ممكن تضمن للإنسان رضا نفسي ، وكميه من السعاده تخليه يصحى من فراشه كل يوم و يواجه الحياة ؟
هل هي الإنجازات الشخصيه بينه وبين نفسه .. التفوق الدراسي أو اللياقه البدنيه مثلاُ أو هي على النقيض تماماً انجازات اجتماعيه مثل العلاقات الاجتماعيه الناجحه و إحاطة نفسه بدائره من الأصدقاء والصحبه .. أو هي ممارسة هواياته بانتظام وإعطاء كل هوايه حقها من الوقت والتركيز ..؟ هل السعاده تنبع من دواخلنا من برمجة عقولنا على التفكير بطريقه معينه وإيجابيه أو إنها تنبع من الآخرين وطريقة تفاعلهم معنا ؟ هل ممكن مكالمه من شخص عزيز تسعدني أكثر من إنجاز شخصي أو تكريم لبروزي في مجال معين ؟

أفكار كانت تدور في ذهني الفتره الأخيره .

أعتقد إن الحياة عباره عن مراحل .. المفروض ما أتعلق بأشخاص معينين أو أماكن معينه .

خاصه بعد تجربتي والدراسه لمدة سنه في كلية التربيه العلميه ثم انتهاء كل مايربطني فيها فجأه وانتقالي لجامعة الأميره نوره و بدايتي من جديد في الدراسه و من “نقطة الصفر” , صار عندي اقتناع إن كل شيء ممكن يتغير بلحظه والحياة لازم أعيشها مرحله مرحله سواء أسعدتني أو أساءتني .. راح أعطي الحزن حقه و الفرح حقه .

بناء الذات والتركيز عليها ، الجلوس مع النفس من فتره لفتره محاسبة نفسي يمكن تكون مؤلمه أحياناً لكن بعد الانتهاء من جلسة المصارحه أطلع بنفسيه أفضل واستعداد أكبر لمواجهة مواقف الحياة المختلفه ، وش بعد ؟ وش خلطة الاستقرار النفسي ؟

Pop art

عَروب — Mon, 07 Dec 2009 23:28:53 +0000

كنت أشوف صور معينه على النت ويعجبني أسلوب الرسم فيها وأجمعها ، لين تراكمت وبحثت عن مصدرها واكتشفت إنها فن كامل يسمى بالبوب آرت . أعجبتني قوة الألوان فيه وتنوعها و بنفس الوقت بساطة الفكره وسهولة التكوين .

خلني آخذك بجوله للي عرفته ^-^

البوب آرت فن ظهر عام 1950 ، يعتمد على استخدام مناظر الحياة اليوميه والأشياء المستهلكه خلالها في صنع لوحه معينه ، مثلاً .. وجوه المشاهير ، صور لعلب المنتجات التجارية ، قصاصات من المجلات والقصص المصوره ..و تسخر لتوصيل فكره معينه هزليه أو كوميديه وغيرها . و ساعد هالفن في تقريب الفكره بين الفن الجمالي مثلاً و الفن الدعائي . وأعتقد إن البوب آرت من الفنون اللي تعطي فكره عن ثقافة الشخص من أول نظره للوحه ^-^!

نماذج منه

بوستر dirt 2 صمموه بهالطريقه

بهالتدوينه تطبيقي ^،^

وهذا تطبيق آخر :

نجي للأدوات :
للتحميل اضغط على الصوره*
،،

من الفرش

راح ناخذ هالنوعيآت

’’ فرش النقط

ممكن فرش كلمات ‘‘!

و ممكن فرش رسومات كرتونيه ’’

لتحميل محتويات النموذجين معاً .. هنا

إذا انحطت على (فرش النقط) وتغير المود يطلع تأثير حلو كثير